Idrizi: Nuk funksionoi asgjë te Trepça ’89

15:47 | 29 Tetor 2022
A. B.

Trepça ’89 nuk ka arritur të marrë rezultat pozitiv nga udhëtimi në Malishevë.

Përkundër se 45 minutat e para përfunduan baras 0-0, në pjesën e dytë Malisheva i mposhti me rezultat të thellë 4-0.

Mysafirët nuk ishin në ditën e tyre më të mirë dhe rezultati është tregues se sa dobët luajtën në këtë sfidë.

Trajneri mitrovicas, Shpëtim Idrizi ka thënë pas ndeshjes se ka mbetur i zhgënjyer pasi asgjë nuk funksionoi në këtë sfidë.

“Të them të drejtën jo vetëm mbrojtja, por nuk funksionoi asgjë. Pjesa e parë ishte e baraspeshuar dhe ishim pak më mirë se Malisheva”.

“Në pjesën e dytë ndryshoi gjithçka. Nuk shfrytëzuam një mundësi që kishim me Gashin dhe më pas asgjë nuk shkoi mirë për ne”.

“Në pjesën e dytë lojtarët ishin të papërgjegjshëm. Malisheva ka lojtarë me eksperiencë dhe shfrytëzuan rastet”, deklaroi Idrizi. /telegrafi/

Shpërndaje në rrjete sociale

Lajmet më të lexuara

Të ngjashme

Foto lajm